Cando este venres Alberto Núñez Feijoo cualificou de «calumnias» e «insidias» as denuncias de que a decisión de non aprobar tratamentos provocou o falecemento de pacientes, criticando sobre todo a actuación «dalgún médico», non centrou as súas acusacións en nomes concretos. Pero Evaristo Varo, voceiro deBatas Blancas e xefe da Unidade de Transplante Abdominal do CHUS, sentiuse necesariamente aludido. Foi unha denuncia deBatas Blancas a que acabou por facer actuar á Fiscalía no caso dos atrasos no acceso ao tratamento por parte de varios enfermos de hepatite C. E o propio Varo Varo atendeu persoalmente a varios dos afectados. A un deles conseguiu salvarlle a vida tras enviar, xunto a outros dous compañeiros, unha carta ao Sergas saltando todos os protocolos oficiais.