AVISO DEL SERGAS
Infórmase que está previsto que o próximo martes, 10 de xaneiro se publiquen no Diario Oficial de Galicia as convocatorias de concurso oposición para o acceso ás categorías de técnico/a superior en prevención de riscos laborais, traballador/a social, técnico/a de xestión de sistemas e tecnoloxías da información e técnico/a especialista de sistemas e tecnoloxías da información.
O prazo de inscrición estará aberto desde o 11 de xaneiro ata o 10 de febreiro, ambas datas incluídas.
Así mesmo infórmase que está previsto que o mércores, 11 de xaneiro se publiquen no Diario Oficial de Galicia as convocatorias de concurso oposición para o acceso ás categorías de facultativo/a especialista de área, médico de urxencias hospitalarias, médico/a coordinador do 061, médico/a asistencial do 061, médico/a de admisión e documentación clínica, odontólogo e pediatra de atención primaria.
O prazo de inscrición para estas categorías estará aberto desde o 12 de xaneiro ata o 13 de febreiro, ambas datas incluídas.